Бизнесті Google Maps-қа қалай дайындау керек

Google Maps карточкасы жай ғана мекенжай емес. Ол клиентке компанияны табуға, сенуге, қоңырау шалуға және сайтқа өтуге көмектесетін локалды бет.

Бірдей NAP деректерін бекітіңіз

Компания атауы, телефон, мекенжай, сайт және жұмыс уақыты барлық жерде бірдей жазылуы керек. Егер Google, 2GIS және сайтта ақпарат әртүрлі болса, клиент те, іздеу жүйесі де күмәнданады.

Санаттар мен қызметтерді нақты таңдаңыз

Негізгі санатты тым жалпы алмаңыз. Қызметтерді клиент қалай іздесе, солай атаңыз: подолог, желдету, жалюзи, құрылыс тауарлары немесе B2B-қызмет.

Фото мен пікір жинауды жүйеге салыңыз

Кеңсе, жұмыс процесі, команда, нәтиже және тауар фотолары карточканы тірі етеді. Пікірлерді накруткасыз, нақты клиенттерден тұрақты сұрау керек.

Карточканы сайттағы қону бетімен байланыстырыңыз

Google Maps-тен келген адам бірден сәйкес қызмет бетіне түсуі керек. Сол бетте баға, процесс, кейс және WhatsApp CTA болғаны дұрыс.

Нәтижені өтініммен өлшеңіз

Көрсетілім саны ғана жеткіліксіз. Қоңырау, маршрут, сайтқа өту, WhatsApp және нақты өтінім санын бөлек бақылау керек.